Ուրախ ենք տեղեկացնել, որ Ամերիա Մոբայլ Բանկինգ հավելվածում ավելացվել են մի շարք նոր հնարավորություններ, որոնք հավելվածից օգտվելը Ձեզ համար կդարձնեն էապես հարմարավետ, արագ և ճկուն:

Ավելի արագ և ապահով մուտք

• PIN կոդի միջոցով

Մոբայլ հավելված այսուհետ կարող եք մուտք գործել՝ առանց յուրաքանչյուր մուտքի համար մուտքանունը և գաղտնաբառը լրացնելու: PIN կոդի միջոցով Մոբայլ հավելված մուտք գործելու հնարավորության ակտիվացման համար անհրաժեշտ է կարգավորումներում ընտրել «PIN կոդ» տարբերակը, բացված պատուհանում մուտքագրել ընթացիկ գաղտնաբառն ու սահմանել PIN կոդը, որի նիշերի առավելագույն քանակը 4-ն է: Ընդ որում, PIN կոդի սահմանման սխալ փորձերի քանակը 3-ն է, որոնք սպառելուց հետո Հավելվածի մուտքը հնարավոր է համապատասխան գաղտնաբառի միջոցով։ Հնարավոր հաճախակի արգելափակումից խուսափելու նպատակով Դուք կստանաք զգուշացում փորձերի հասանելի քանակի մասին։

• Մատնահետքի /FaceID-ի միջոցով 

Մոբայլ հավելված մատնահետքով մուտք գործելու հնարավորությունն ակտիվացնելու համար անհրաժեշտ է կարգավորումներում ընտրել «Մատնահետք» տարբերակը և բացված պատուհանում հաստատել մատնահետքը (IOS համակարգի դեպքում հաստատում չի պահանջվում): Մատնահետքի (FaceID-ի) միջոցով մուտքն ակտիվանում է այն դեպքում, եթե հեռախոսն ունի համապատասխան տեխնիկական հնարավորություն, և տվյալ հեռախոսում այն ակտիվացված է: 

Սխալ մատնահետքով մուտքի փորձ կատարելու դեպքում Դուք կստանաք զգուշացում, ապա հնարավորությունը ժամանակավորապես կարգելափակվի, ինչի պարագայում Մոբայլ հավելված մուտքը հնարավոր կլինի միայն գաղտնաբառի միջոցով։

FaceID-ի միջոցով մուտքի հնարավորությունը հասանելի է միայն iPhoneX, XS, XS Max, XR հեռախոսների դեպքում։ Ակտիվացման գործընթացը կատարվում է մատնահետքով մուտքի ակտիվացման գործընթացի նմանությամբ: Ընդ որում, մատնահետքի (FaceID) միջոցով մուտքը համատեղելի չէ PIN կոդի օգտագործման հետ։

Փոփոխություններ Գլխավոր էջում

• Ամբողջական մենյուն մեկ տեղում

Ամերիա Մոբայլ Բանկինգ հավելվածի բոլոր կարգավորումները կարող եք ամբողջությամբ տեսնել և կառավարել Գլխավոր էջից բացվող «Կարգավորումներ» էջի միջոցով:


• Ծանուցումների դիտում

Ամերիա Մոբայլ Բանկինգ հավելվածի բոլոր ծանուցումներին այսուհետ կարող եք հետևել և ծանոթանալ Գլխավոր էջի վերին աջ անկյունում ստեղծված կոճակի միջոցով:


Ավելի հարմարավետ փոխանցումներ և վճարումներ

• Նոր վճարման կամ փոխանցման պատուհանում արտացոլվում են Ձեր հաշվեհամարի տվյալները (հաշվի տեսակ, արժույթ և մնացորդ), ինչպես նաև Շահառուի անվանումը և հաշվեհամարը:



• Նոր վճարում կամ փոխանցում ստեղծելու պատուհանում կարող եք դիտել ինչպես նոր, այնպես էլ Ձեր կողմից նախկինում ստեղծված և հիշված ձևանմուշները, որոնք ավելի դյուրին կդարձնեն արդեն կատարված գործարքների հիման վրա նոր գործարքի ստեղծման գործընթացը: «Ձևանմուշներ» բաժնից նոր վճարում կամ փոխանցում կատարելու համար անհրաժեշտ է բացված պատուհանում ակտիվ դաշտը փոխել «Ձևանմուշներ»-ի։



• Ստեղծվել է գործարքի դիտման և պատճենահանման հնարավորությունը, որից օգտվելու համար անհրաժեշտ է ընտրված գործարքի տողի վրա երկար սեղմել և բացված պատուհանից ընտրել համապատասխան տարբերակը։

Հայտի բացում և փոխանցման իրականացում

• Նոր հայտ բացել և փոխանցում իրականացնել կարող եք անմիջապես հավելվածի Գլխավոր էջում:



• «Հայտեր» էջում կարող եք ստեղծել նոր հայտ, ինչպես նաև դիտել նախկինում Ձեր կողմից արդեն իսկ ստեղծված հայտերը:



• Մուտք Ameria Online Banking համակարգ QR կոդի միջոցով

Կարող եք մուտք գործել Ameria Online Banking համակարգ առանց գաղտնաբառ մուտքագրելու՝ Մոբայլ հավելվածի Գլխավոր էջում QR կոդի միջոցով: Այս հնարավորությունից օգտվելու համար անհրաժեշտ է արդեն իսկ մուտք գործած լինել Մոբայլ հավելվածի համակարգ: