HERE AND BEYOND
Fitch–ը հաստատել է Ամերիաբանկի վարկանիշը «В+» մակարդակում`«Կայուն» կանխատեսմամբ
Մամուլի կենտրոն

Fitch Ratings միջազգային վարկանիշային գործակալությունը «В+» (Long-term Issuer Default Rating - IDR) մակարդակում հաստատել է Ամերիաբանկի արտարժույթով երկարաժամկետ պարտատոմսերով էմիտենտի վարկանիշը` «Կայուն» կանխատեսմամբ։

Միաժամանակ ինչպես նշվում է «ԱՌԿԱ» գործակալություն ստացված Fitch–ի հաղորդագրության մեջ, Fitch–ը հետ է կանչել բանկի վարկանիշը կոմերցիոն պատճառներով։

Հաղորդագրության համաձայն, Fitch–ն այլևս չի իրականացնելու Ամերիաբանկի վարկանիշային և վերլուծական լուսաբանում։ 

Ամերիաբանկի վարկանիշի հաստատումն արտացոլում է բանկի վարկային պորտֆելում առկա սահմանափակ փոփոխությունները` ուսումնասիրության պահից ի վեր` 2017թ.–ի ապրիլի 25–ից։ 

«Բանկի գործունեությունը, կապիտալի բուֆերներն ու լիկվիդայնությունը մնում են խելամիտ մակարդակում, որոնց աջակցում են համախառն տնտեսության վերականգնումն ու արտարժույթի կայունությունը, չնայած հաշվեկշռային բարձր կուտակումներն ու վարկային դոլարացումը ռիսկեր են ստեղծում», – նշվում է հաղորդագրության մեջ։

2015 թ.–ի մայիսին Fitch Ratings միջազգային վարկանիշային գործակալությունը, հաշվի առնելով տարածաշրջանային տնտեսական զարգացումները, Ամերիաբանկին շնորհեց արտարժույթով երկարաժամկետ պարտատոմսերի էմիտենտի վարկանիշ (Long-term Issuer Default Rating - IDR) «В+» մակարդակում` «Բացասական» կանխատեսմամբ։

«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և 2007թ-ից տրամադրում է նորարարական բանկային ծառայությունների լայն տեսականի:

Թարմացված է առ 28.08.2017 թ., 9:28
2016 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկատվության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն լեզուներում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության,այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար: