HERE AND BEYOND
Դոկտոր Նուբար Աֆեյանն ընտրվել է աշխարհի առաջատար համալսարաններից մեկի՝ Մասաչուսեթսի տեխնոլոգիական ինստիտուտի հոգաբարձուների խորհրդի անդամ
Մամուլի կենտրոն
Ամերիաբանկի Տնօրենների խորհրդի անդամ դոկտոր Նուբար Աֆեյանն ընտրվել է Մասաչուսեթսի տեխնոլոգիական ինստիտուտի հոգաբարձուների խորհրդի անդամ: Մասաչուսեթսի տեխնոլոգիական ինստիտուտն աշխարհի առաջատար համալսարաններից է և ըստ համալսարանների համաշխարհային ակադեմիական վարկանշավորման տվյալների՝ զբաղեցնում է 3-րդ տեղը (http://www.shanghairanking.com/ARWU2015.html):
Նուբար Աֆեյանն Ամերիաբանկի խորհրդի անդամ է 2010թ. հուլիսի 6-ից: Կենսատեխնիկական գիտությունների դոկտորի աստիճանն ստացել է Մասաչուսեթսի տեխնոլոգիական ինստիտուտում: Նա բազմաթիվ գիտական հոդվածների և արտոնագրերի հեղինակ է: Նուբար Աֆեյանը Flagship Ventures ընկերության հիմնադիրը և գործադիր տնօրենն է: Ընկերությունը ներդրումներ է կատարում կենսաբանական/բարձր տեխնոլոգիական ուղղվածություն ունեցող սկսնակ ձեռնարկություններում: Ներկայումս ընկերության պորտֆելի արժեքը կազմում է 1.4 մլրդ ԱՄՆ դոլար: Իր 30 տարվա կարիերայի ընթացքում Նուբար Աֆեյանը մասնակցել է կենսաբանական/բարձր տեխնոլոգիական ուղղվածություն ունեցող 38-ից ավել հաջողակ ընկերությունների հիմնադրմանը: Ներկայումս հանդիսանում է մի շարք պետական և մասնավոր կազմակերպությունների տնօրենը կամ խորհրդի նախագահը:
Նուբար Աֆեյանը մասնակցել է նաև Հայաստանի ազգային մրցունակության հիմնադրամի, Դիլիջանի միջազգային դպրոցի, «Նուբար և Աննա Աֆեյաններ հիմնադրամի» ստեղծմանը, ինչպես նաև «Ավրորա մրցանակ հանուն մարդասիրաց» նախաձեռնությանը: Նա նաև հանդիսացել է Համաշխարհային տնտեսական համաժողովի Համաշխարհային օրակարգի խորհրդի (Global Agenda Council) քիմիական արդյունաբերության և բիոտեխնոլոգիաների խմբի և վերջինիս կից Զարգացող տեխնոլոգիաների խորհրդի նախագահը: 2000 թ-ից Նուբար Աֆեյանը դասավանդում է Մասաչուսեթսի տեխնոլոգիական ինստիտուտի Սլոունի մենեջմենթի դպրոցում (MIT Sloan School of Management)՝ որպես ավագ դասախոս:
Թարմացված է առ 21.06.2016 թ., 17:31
2021 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: