ONLINE

CHAT

"Ամերիաբանկ" ՓԲԸ-ն հայտարարում է "Բաց Դռների" օր Հայաստանի հանրապետության տարածքում գործող բոլոր ԲՈՒՀ-երի ուսանողների համար: 

 
Ու՞մ հետ ենք համագործակցում
Մենք համագործակցում ենք այն բոլոր բարձրագույն ուսումնական հաստատությունների հետ, որոնք վստահ քայլերով առաջ են գնում` անընդհատ կատարելագործելով ուսման որակը, նպատակասլաց են և պատրաստում են տաղանդավոր մասնագետներ: Ողջունում ենք այն ուսանողներին, որոնք ձգտում են իրենց կյանքը դարձնել հետաքրքիր, հասնել մեծ բարձունքների և լուրջ արդյունքների:
 
Մենք արդեն համագործակցում ենք Երևանի պետական համալսարանի, Հայաստանի պետական տնտեսագիտական համալսարանի, Հայաստանի ամերիկյան համալսարանի, Հայաստանում ֆրանսիական համալսարան հիմնադրամի և Հայ-ռուսական /Սլավոնական/ պետական համալսարանի, Ագրոբիզնեսի ուսումնական կենտոնի հետ:  
 
Ի՞նչ առավելություններ ունի ծրագիրը
"Ամերիաբանկ" ՓԲԸ-ն իր "Երազանքների թիմ" գաղափարախոսությամբ ողջունում է հետաքրքրասեր, նպատակասլաց, նորարար, համարձակ, մասնագիտական աճի ձգտող և խնդիրներից ոչ ստանդարտ լուծումներ փնտրող ուսանողներին: 
 
"Բաց Դռների" օր ծրագրի շրջանակներում ԲՈՒՀ-երը լայն հնարավորություն են ստանում "գործուղել" իրենց լավագույն ուսանողներին "Ամերիաբանկ" ՓԲԸ՝ ճանաչելու բիզնես միջավայրը, ուսանելու, մասնագիտական ոլորտում ինքնադրսևորվելու և աճելու:
 
Ծրագրի շրջանակներում ուսանողները լայն հնարավորություն են ստանում պրակտիկայում կիրառել իրենց գիտելիքներն ու հմտությունները, աշխատել իրենց գործում լավագույն մասնագետների հետ, դառնալ նրանց թիմի անդամ: Մենք պատրաստ ենք տեսական գիտելիքներ և մեծ ներուժ ունեցող ուսանողներից "աճեցնել" մասնագետներ, փոխանցել նրանց տարիների ընթացքում ձեռք բերած մեր փորձն ու հմտությունները:   
 
Ուսումնական պրակտիկայի համար անհրաժեշտ է անցնել հետևյալ փուլերը
1-ին փուլ- "Պայմանագիր"
 
ԲՈԻՀ-ը և "Ամերիաբանկ" ՓԲԸ-ն կնքում են ուսումնական պրակտիկայի պայմանագիր համաձայն ուսումնական պլանի:
 
2-րդ փուլ"Դիմում-հայտ"
 Մեզ հետ համագործակցող ԲՈՒՀ-երի ուսանողները, ովքեր ցանկանում են ուսումնական պրակտիկա անցնել "Ամերիաբանկ" ՓԲԸ-ում, լրացնում են  դիմում-հայտի ձևը՝ կցելով նաև CV և մեկ էջանոց ուղեկցող նամակ, թե ինչու են ցանկանում պրակտիկան անցնել "Ամերիաբանկ" ՓԲԸ-ում և  ուղարկում internship@ameriabank.am էլ. հասցեին:   
 
3-րդ փուլ"Թեսթավորում"
Ուսումնական պրակտիկայի թեկնածուները հրավիրվում են ընդհանուր զարգացվածության թեսթի: Արդյունքները ամփոփելուց և վերլուծելուց հետո թեսթը հաջող հանձնած թեկնածուները անցնում են հաջորդ փուլ: 
 
4-րդ փուլ"Հարցազրույց"
Թեսթն անցած պրակտիկայի թեկնածուները մասնակցում են հարցազրույցի. որի ժամանակ իրականացվում է ընդհանուր ծանոթացում պրակտիկանտի հետ: Հարցազրույցի արդյունքում լավագույնները կսկսեն իրենց ոսումնական պրակտիկան համապատասխան ստորաբաժանումներում:
 
5–րդՓուլ"Պրակտիկա"
Պրակտիկայի ընթացքում ուսանողները միանում են առաջատար, նորամուծություններով հարուստ, միջազգային շուկայի զարգացումներին և պահանջներին հետևող, բարձր մասնագիտական որակավորում ունեցող միասնական թիմին: Պրակտիկանտը անմիջապես ներգրավվելով աշխատանքի մեջ՝ պատասխանատու է դառնում տարատեսակ աշխատանքների կատարման համար` պրակտրկորեն կիրառելով ԲՈՒՀ-ում ստացած հիմնարար գիտելիքները:
 
6-րդՓուլ – "Երաշխավորագիր-բնութագիր"
Պրակտիկայի ավարտին ուսանողները գնահատվում են իրենց անմիջական ղեկավարի կողմից մի քանի չափանիշներով` գիտելիքներ և հմտություններ; թիմին հարմարվելու ընդունակություն, գործարար էթիկա; նախաձեռնողականություն; ինքնուրույնություն և պատասխանատվության զգացում, որի հիման վրա Մարդկային ռեսուրսների կառավարման բաժնի կողմից տրվում է երաշխավորագիր-բնութագիր:
 
Վերջինս համապարփակ տեղեկատվություն է պրակտիկանտի ինչպես անձը բնութագրող հատկանիշների, այնպես էլ գործնական ունակությունների մասին: Երաշխավորագիր-բնութագիրը լայն հնարավորություն է տալիս ուսանողին համարձակ քայլերով մուտք գործել աշխատաշուկա` վստահ լինելով իր գիտելիքների վրա և հստակ գնահատելով իր հնարավորությունները: Ավելին, գնահատման արդյունքում բարձր միավորներ հավաքած ուսանողներն ընդգրկվում են "Ամերիաբանկ" ՓԲԸ թափուր աշխատատեղերի համալրման պահուստային ցուցակներում և լայն հնարավորություններ են ստանում աշխատելու "Ամերիաբանկ" ՓԲԸ-ում:
 
Թարմացված է առ 16.11.2015 թ., 15:10

Բանկի կողմից տրամադրվող ծառայությունները

.
ԳԼԽԱՄԱՍԱՅԻՆ ԳՐԱՍԵՆՅԱԿ

Գրիգոր Լուսավորիչ 9, Երևան 0015, ՀՀ

Հեռ.՝ (+37410) 56 11 11

Ֆաքս՝ (+37410) 51 31 33

ԱՄՆ-ում`

+1 888 802 5352 

Մեծ Բրիտանիայում`

+44 80 00786252 

Ռուսաստանում`

+8 800 100 5611 

Հարգելի այցելու,

Կայքի որևէ տեղեկատվության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն լեզուներում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության,այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար:

© 2007-2016. All rights reserved.