Հաճախակի տրվող հարցեր և պատասխաններ

Հարցեր

1. Ի՞նչ է Ամերիաբանկը:
2. Ովքե՞ր են Ամերիաբանկի բաժնետերերը:
3. Ովքե՞ր են Ամերիաբանկի ղեկավարները:
4. Ի՞նչ է անհրաժեշտ բանկային հաշիվ բացելու համար:
5. Ի՞նչ է անհրաժեշտ քարտային հաշիվ բացելու համար:
6. Ինչպիսի՞ պլաստիկ քարտեր է տրամադրում Ամերիաբանկը:
7. Ինչպե՞ս կարելի է ակտիվացնել վիրտուալ քարտը:
8. Ի՞նչ է անհրաժեշտ անել քարտային գործարքների վերաբերյալ SMS հաղորդագրություններ ստանալու համար:
9. Ու՞մ տեղեկացնել պլաստիկ քարտի կորստի կամ հափշտակության մասին:
10. Ի՞նչ անել, եթե քարտն արգելափակվել է:
11. Ի՞նչ անել պլաստիկ քարտի PIN ծածկագիրը կորցնելու կամ մոռանալու դեպքում:
12. Ինչպե՞ս բեռնել «Բանկ-Հաճախորդ» հեռակառավարման համակարգը:
13. Ի՞նչ վարկեր է Ամերիաբանկը տրամադրում իրավաբանական անձ հաճախորդներին:
14. Ի՞նչ վարկեր է Ամերիաբանկը տրամադրում ֆիզիկական անձ հաճախորդներին:
15. Ինչպիսի՞ ավանդատեսակներ է առաջարկում Ամերիաբանկը:
16. Ի՞նչ է լիզինգը:
17. Ի՞նչ է ֆակտորինգը:
18. Ինչպե՞ս կատարել փոխանցումներ դեպի արտերկիր:

Պատասխաններ

1. Ամերիաբանկը ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ:
2. Ամերիաբանկի հիմնական բաժնետերն է "Ամերիա գրուպ (Սի-Ուայ) Լիմիթեդ» ընկերությունը, որին պատկանում է բանկի բաժնետոմսերի 99.9988997%-ը:
3. Բանկը ղեկավարվում է Տնօրինության կողմից:
4. Հաշիվ բացելու համար`
   
   • Ֆիզիկական անձիք պետք է ներկայացնեն անձը հաստատող փաստաթուղթ (ներառյալ սոցիալական քարտ ՀՀ ռեզիդենտ քաղաքացիների համար)
   • Ռեզիդենտ իրավաբանական անձիք պետք է ներկայացնեն հետևյալ փաստաթղթերը՝
     
     • կազմակերպության կանոնադրություն
     • պետական գրանցման վկայական
     • ՀՎՀՀ հաստատող փաստաթուղթ
     • հաշվով գործարք կատարելու իրավունք ունեցող ներկայացուցչի (ներկայացուցիչների)` տվյալ պաշտոնում նշանակման հրամանը (հրամանները) կամ որոշումը (որոշումները): Նշված փաստաթղթերը չեն պահանջվում այն դեպքում, երբ ներկայացուցչի պաշտոնը վավերացված է պետ. ռեգիստրի վկայականի ներդիրով կամ կազմակերպության կանոնադրությամբ:
     • հաշվով գործարք կատարելու իրավունք ունեցող ներկայացուցչի (ներկայացուցիչների) անձնագիր
     • կազմակերպության կնիքի արտատիպ
     • այլ լրացուցիչ փաստաթղթեր, այդ թվում` 10% և ավել բաժնեմաս ունեցող բաժնետերերի անձնագրերի պատճենները ֆիզ. անձ լինելու դեպքում: Իրավաբանական անձ լինելու դեպքում` կանոնադրություն, պետ. ռեգիստրի գրանցման վկայական և այլն:  
   • Անհատ ձեռներեցները պետք է ներկայացնեն հետևյալ փաստաթղթերը՝
     • պետական գրանցման վկայական
     • անձը հաստատող փաստաթուղթ
     • սոցիալական քարտ
     • կնիքի արտատիպ (առկայության դեպքում)
   • Բանկ են ներկայացվում բոլոր փաստաթղթերի կրկնօրինակները:
5. Քարտային հաշիվ բացելու համար հաճախորդը պետք է ներկայացնի անձը հաստատող փաստաթուղթ և սոցիալական քարտ: Քարտը տրամադրվում է համապատասխան հայտի հիման վրա պայմանագիրը կնքելուց, տարեկան սպասարկման վճարը վճարելուց և քարտային հաշվին չնվազող մնացորդի գումարը մուտքագրելուց հետո երկու բանկային օրվա ընթացքում:
6. Ամերիաբանկը տրամադրում է հետևյալ տեսակի քարտերը
   • ArCa
   • Cirrus Maestro
   • Visa Electron
   • Visa Classic
   • Visa Gold
   • Visa Business
   • Visa Platinum
   • MASTERCARD STANDARD
   • MASTERCARD GOLD
   • MASTERCARD BUSINESS
   • MASTERCARD PLATINUM
7. Վիրտուալ քարտի գրանցումն իրականացվում է իրական քարտի տվյալների հիման վրա: Վիրտուալ քարտը հնարավորություն է տալիս առցանց վճարումներ, գնումներ և բանկային կամ այլ գործառնություններ իրականացնել: Վիրտուալ քարտի գրանցումը կատարվում է ԱՌՔԱ ընկերության կայքի միջոցով:
8. Քարտային գործարքների վերաբերյալ SMS հաղորդագրություններ ստանալու համար անհրաժեշտ է պարզապես այցելել բանկ և լրացնել համապատասխան հայտը կամ նախապես համապատասխան նշում կատարել հայտում քարտային պայմանագրի կնքման պահին:
9. Հափշտակված կամ կորցրած քարտի արգելափակման նպատակով խնդրում ենք անմիջապես զանգահարել Ամերիաբանկ (+37410 56 11 11) կամ ԱՌՔԱ պրոցեսինգային կենտրոն (+37410 44 03 80):
10. Քարտն արգելափակումից հանելու նպատակով անհրաժեշտ է այցելել բանկ:
11. Եթե կորցրել կամ մոռացել եք ձեր պլաստիկ քարտի PIN ծածկագիրը, անհրաժեշտ է վերաթողարկել քարտը, քանի որ ծածկագիրը հայտնի է միայն ձեզ:
12. «Բանկ-Հաճախորդ» հեռակառավարման համակարգի տեղադրման նպատակով անհրաժեշտ է կապվել ձեր հաճախորդի մենեջերի հետ` համապատասխան պայմանագիր կնքելու համար: Պայմանագրի կնքումից հետո համակարգը կտեղադրվի ձեր համակարգչում: Համակարգի սկզբնական տեղադրումը կատարվում է անվճար: Երևան քաղաքում գործող հաճախորդների համար բանկն իրականացնում է անվճար ուսուցում` 3 ժամ տևողությամբ: Հաճախորդի պահանջով Բանկը կարող է իրականացնել հավելյալ վճարովի ուսուցում: «Բանկ-Հաճախորդ» համակարգի ամսական սպասարկման վճարն է 6,500 ՀՀ դրամ (ներառյալ ԱԱՀ):
13. Ամերիաբանկը տրամադրում է փոքր, միջին և խոշոր ձեռնարկատիրության բիզնես վարկավորման ծառայություններ:
14. Ամերիաբանկը ֆիզիկական անձանց տրամադրում է վարկեր և վարկային քարտեր:
15. Ամերիաբանկն առաջարկում է հետևյալ 9 ժամկետային ավանդատեսակները.
    
    • Ավանդ "Ստանդարտ"
      
    • Ավանդ "Կապիտալ"
      
    • Ավանդ "Հարմարավետ"
      
    • Ավանդ "Փոխարկելի"
      
    • Ավանդ "Մտերիմներին"
      
    • Ավանդ "Երեխաներին"
      
    • Ավանդ "Կառուցվածքային"
      
    • Ավանդ "Ոսկու Կառուցվածքային"
16. Լիզինգը ներդրումային գործունեության տեսակ է, որի դեպքում բանկը ստանձնում է հաճախորդի (լիզինգառու) կողմից նշված ընկերությունից գույքը գնելու պարտավորությունը և ձեռք բերված գույքն օգտագործման համար տրամադրում է հաճախորդին` համաձայն լիզինգի պայմանագրի պայմանների` հետագայում լիզինգառուի կողմից գույքի նկատմամբ սեփականության իրավունքի ձեռքբերման պայմանով:
17. Ֆակտորինգը ծառայությունների ամբողջական փաթեթ է, որը բանկն առաջարկում է իրենց գնորդների հետ հետաձգված վճարման պայմանով աշխատող կազմակերպություններին: Նշված ծառայությունները ներառում են հետևյալը. ներմուծման ֆինանսավորում, վարկային ռիսկից ապահովագրում, դեբիտորական պարտքի հաշվարկ, դեբիտորների հետ աշխատանք` սահմանված ժամանակացույցի համաձայն վճարումների իրականացումն ապահովելու նպատակով:
18. Եթե ցանկանում եք արտասահմանում գտնվող ձեր հարազատներին և ընկերներին գումար փոխանցել, կարող եք օգտվել արագ դրամական փոխանցման համակարգերից (MoneyGram, InterExpress, Быстрая Почта)` առանց բանկում հաշիվ բացելու: Փոխանցումը կատարվում է մի քանի րոպեի ընթացքում: Կարող եք նաև հաշիվ բացել և փոխանցում կատարել աշխարհի ցանկացած երկիր: