Հաճախակի տրվող հարցեր և պատասխաններ

Հարցեր 

1. Որտե՞ղ կարող եմ գտնել տեղեկություններ «Ամերիաբանկ» ՓԲԸ-ի վերաբերյալ: 
2. Ինչպիսի՞ն է Ամերիաբանկի բաժնետիրական կառուցվածքը: Ովքե՞ր են խոշոր բաժնետերերը:
3. Որտե՞ղ կարող եմ գտնել Ամերիաբանկի կազմակերպչական կառուցվածքը:
4. Ե՞րբ է սկսվում և ավարտվում   Ամերիաբանկի ֆինանսական տարին:
5. Հաշվապահական հաշվառման ի՞նչ ստանդարտներ է կիրառում Ամերիաբանկը:
6. Ո՞րն է Ամերիաբանկի հաշվետվական արժույթը:
7. Որտե՞ ղ կարելի է գտնել տեղեկություններ Ամերիաբանկի գործունեության արդյունքների վերաբերյալ:Ե՞րբ է նախատեսվում հրապարակել ֆինանսական արդյունքների մասին հաջորդ հաշվետվությունը:
8. Ո՞վ է Ամերիաբանկի անկախ աուդիտորը:
9. Ինչպե՞ս է Ամերիաբանկն իր բաժնետերերին ծանուցում բաժնետերերի տարեկան ընդհանուր ժողովի գումարման մասին:
10. Որտե՞ղ է սովորաբար անց կացվում բաժնետերերի տարեկան ընդհանուր ժողովը:
11. Ի՞նչ է շահաբաժինը: 
12. Ո՞վ է կայացնում շահաբաժինների վճարման մասին որոշումը:
13. Ե՞րբ են վճարվում շահաբաժինները:
14. Ո՞րն է Ներդրողների հետ փոխհարաբերությունների բաժնի նպատակը: 
15. Չե՞ք կարողանում գտնել Ձեզ հետաքրքրող տեղեկությունները:

Պատասխաններ

1. Մեր կայքի "Բանկի մասին" էջը ներկայացնում է Ամերիաբանկի պատմությունը, ամենակարևոր տարեթվերն ու իրադարձությունները:  
2. Կարդալ մանրամասներ

3. Կազմակերպչական կառուցվածքին ծանոթանալու համար սեղմել՝ Բանկի կառուցվածքը:
4. Հունվարի 1-ից մինչև դեկտեմբերի 31-ը:
5. Ամերիաբանկի տարեվերջի ֆինանսական հաշվետվությունները կազմվել են ինչպես Ֆինանսական հաշվետվությունների միջազգային ստանդարտների(ՖՀՄՍ/IFRS), այնպես էլ Հայաստանի Հանրապետության հաշվապահական հաշվառման ստանդարտների (ՀՀՀՀՍ)  համաձայն:
6. Հաշվետվությունները ներկայացվում են ՀՀ դրամով:
7. Ամերիաբանկի ֆինանսական արդյունքների մասին հաշվետվությունները եռամսյակային կտրվածքով հրապարակվում են Բանկի պաշտոնական կայքում, ինչպես նաև տեղական թերթերում:  Վերջին արդյունքների մասին մանրամասն տեղեկությունների համար սեղմել` Ֆինանսական տեղեկատվություն: 
8. Արտաքին աուդիտորի ընտրության համար Բանկը հայտարարում ամենամյա մրցույց: Նախորդ երկու տարիներին  (2007 և 2008թթ.)  «ՔԵՅ-ՓԻ-ԷՄ-ՋԻ» (KPMG) ընկերությունն ընտրվել է որպես Բանկի արտաքին աուդիտոր: Մանրամասների համար սեղմել՝ Ներքին և արտաքին աուդիտ:
9. Ամերիաբանկը ծանուցում է իր բաժնետերերին` տարեկան ընդհանուր ժողովի գումարման ամսաթվից առնվազն 15 օր առաջ, եթե այլ բան նախատեսված չէ օրենսդրությամբ: 
   Բանկը`պատշաճ կարգով, պատվիրված նամակով գրավոր ծանուցում է ուղարկում բաժնետերերի տարեկան ընդհանուր ժողովում մասնակցելու իրավունք ունեցող յուրաքանչյուր անձի: Ամերիաբանկը նաև հրապարակում է ծանուցումն իր ինտերնետային կայքում` (www.ameriabank.am) «Ներդրողների համար» բաժնում:
10. Բանկի կանոնադրությամբ կամ ՀՀ օրենսդրությամբ չի սահմանվում բաժնետերերի տարեկան ընդհանուր ժողովը կոնկրետ սահմանված վայրում անցկացնելու պահանջ:
11. Շահաբաժինը Բանկի շահույթն է ֆինանսական տարում, որը բաշխվում է բաժնետերերի միջև` նրանց բաժնետոմսերի քանակին համամասնական կարգով:  Շահաբաժինները վճարվում են ֆինանսական տարում ստացված Բանկի զուտ շահույթից, որը ներառվում է ֆինանսական տարվա արդյունքների հիման վրա կազմված շահույթի և կորստի մասին Ամերիաբանկի հաշվետվությունում: 
12. Շահաբաժինների  վճարման մասին որոշումը և դրանց վճարման ձևը սահմանվում է բաժնետերերի տարեկան ընդհանուր ժողովի կողմից` «Բաժնետիրական ընկերությունների մասին» ՀՀ օրենքով նախատեսված կարգով: 
    Շահաբաժինների վճարման քաղաքականությունն իրականացվում է Բանկի կանոնադրությամբ և ռազմավարական ծրագրով սահմանված դրույթների համաձայն:
13. Դիտորդ Խորհրդի 2007թ. մայիսի 29-ի նիստում կայացրած որոշման համաձայն` Բանկի   2007-2009թթ. Ռազմավարական զարգացման ծրագրով նախատեսվում է նշված երեք տարիների ընթացքում չվճարել շահաբաժիններ և զուտ չբաշխված շահույթն ուղղել բանկի գլխավոր պահուստին: 
14. Ներդրողների հետ փոխհարաբերությունների բաժնի ընդհանուր նպատակն է  ներդրողներին և հանրությանը տրամադրել հստակ և հավաստի տեղեկություններ Բանկի անցյալ և ներկա գործունեության, ինչպես նաև զարգացման հեռանկարների մասին:  Ամերիաբանկը ձգտում է բոլոր ներդրողներին տրամադրել հստակ, հետևողական և բարձրարժեք տեղեկություններ` կանոնավոր պարբերականությամբ և շուկայի լավագույն գործելակերպերի համաձայն:

15. Եթե Դուք չկարողացաք գտնել Ձեր հարցերի պատասխանները այս հատվածում կամ կայքի այլ բաժիններում, խնդրում ենք դիմել Ներդրողների հետ փոխհարաբերությունների բաժին: