Տնօրինություն

Բանկի ընթացիկ գործունեության ղեկավարումն իրականացնում է բանկի գործադիր մարմինը` բանկի Տնօրինությունը և Տնօրինության Նախագահ-գլխավոր տնօրենը:  Վերջիններիս իրավասությանն են պատկանում ընթացիկ կառավարման բոլոր հարցերը, բացառությամբ օրենքով, բանկի կանոնադրությամբ, Ընդհանուր Ժողովի որոշմամբ Ընդհանուր Ժողովի և Տնօրենների Խորհրդի բացառիկ իրավասությամբ վերապահված հարցերի:  Բանկի Տնօրինության իրավասության մեջ են այնպիսի հարցեր, ինչպիսիք են.

• ներքին իրավական ակտերին նախնական հավանություն տալը,
• բանկի ակտիվների և պասիվների կառավարման իրականացումը,
• մասնճյուղերի, ներկայացուցչությունների և հիմնարկների ստեղծման վերաբերյալ հարցերի քննարկումն ու նախնական հավանություն տալը,
• բանկի ներքին ու արտաքին աուդիտի արդյունքների քննարկումն ու դրանց վերաբերյալ համապատասխան որոշումների կայացումը և այլն (մանրամասներին ծանոթացե’ք Բանկի կանոնադրությունից):

Բանկի գործադիր մարմինը կազմավորվում է բանկի Տնօրենների Խորհրդի կողմից:  Բանկի Տնօրինության կազմի մեջ են մտնում բանկի Տնօրինության Նախահագ-գլխավոր տնօրենը, նշանակված անդամները և գլխավոր հաշվապահը:  Բանկի Տնօրինությունն իրականացնում է իր գործունեությունը նիստերի միջոցով, որոնք ենթակա են հրավիրման ամիսը առնվազն մեկ անգամ: