Կորպորատիվ հաճախորդների համար

Անդերրայթինգը /անգլ. underwriting - ստորագրում/. իրենից ներկայացնում է արժեթղթերի տեղաբաշխում:

Այս գործընթացի կազմակերպումը պահանջում է մասնագիտական բարձր կարողություններ` ներդրողների լայն զանգվածների շրջանում արժեթղթերն առավելագույնս արդյունավետ տեղաբաշխելու և դրանց արդյունավետ շուկա ստեղծելու համար:

Ամերիաբանկի գործընկեր "Տրոյկա Դիալոգ" ընկերությունն այս ուղղությամբ առաջատարն է ռուսական ֆոնդային շուկայում և մասնակցել է ռուսական ընկերությունների բաժնետոմսերի տեղաբաշխման մեծաքանակ նախագծերի` ինչպես ռուսական, այնպես էլ միջազգային շուկաներում, հաջողությամբ իրականացրել ամենաբարդ և ոչ ստանդարտ նախագծերը` ապահովելով հաճախորդների համար առավելագույն արդյունքներ: Նման հզոր և մեծահամբավ գործընկերոջ մշտական աջակցությունը հնարավորություն է տալիս Ամերիաբանկին մատուցել արժեթղթերի տեղաբաշխման համալիր ծառայություններ և արժեթղթերի տեղաբաշխումից հետո ապահովել թողարկողների և ներդրողների համար աջակցություն ամենաբարձր մասնագիտական մակարդակով:

2008 թվականին Ամերիաբանկը հաջողությամբ իրականացրեց "ԻՄԷՔՍ ԳՐՈՒՊ" ՍՊԸ-ի պարտատոմսերի տեղաբաշխումը` 1 մլրդ դրամ ընդհանուր ծավալով, երկու տարի շրջանառության ժամկետով և տարեկան 11.5% արժեկտրոնով, որը վճարվում էր եռամսյակային պարբերությամբ: Պարտատոմսերը տեղաբաշխվեցին ներդրողների լայն շրջանում: Պարտատոմսերը ցուցակվել են NASDAQ OMX Armenia-ի կորպորատիվ պարտատոմսերի Bhond առևտրային հարթակում, և Ամերիաբանկը հանդիսանում է դրանց մարքեթ-մեյքերը` շուկա ստեղծողը: