Ֆիզիկական անձ հաճախորդների համար

• Անհատական հաշիվ` այնպիսի հաշվի տեսակ է, որը կարող է կառավարվել բացառապես տվյալ հաշվետիրոջ կողմից, եթե նախատեսված չէ հաշիվների լիազորագրային կառավարում:
• Համատեղ հաշիվ` ֆիզիկական անձ հաճախորդների անունով գործող հաշվի տեսակ է, որով գործարքներ կարող են կատարվել կամ բոլոր հաստատված ստորագրությունների համատեղ առկայության դեպքում կամ որևէ մեկի (երկուսի) առկայության դեպքում: Նշված հաշիվներով գործարքներ կատարելու իրավունքն ամրագրվում է հաճախորդների հետ կնքված հաշիվների բացման և սպասարկման պայմանագրում և ստորագրությունների նմուշի քարտով: Համատեղ հաշիվների բացման դեպքում "Հաշվի /հաշիվների/ բացման և վարման մասին" պայմանագիրը ստորագրվում է հաշիվը բացող անձանց կողմից:
• Երրորդ անձի անունով բացված հաշիվ` հաշվի տեսակ է, որը գործում է երրորդ անձանց անունով ներդրված ժամկետային ավանդների սպասարկման նպատակով:
• Նպատակային հաշիվ` ՀՀ օրենսդրությամբ և բանկի ներքին ակտերով սամանված կարգով բացվող հատուկ հաշվի տեսակ է, օրինակ` մինչև 14 տարեկան երեխայի անունով բացված հաշիվը, անշարժ գույքի առուվաճառքի գործարքի գծով կողմերի միջև ապահով հաշվարկներ իրականացնելու համար հաշիվը (էսքրոու հաշիվը), այլ հաշիվներ:

Ուշադրություն: Բանկային հաշիվները բացվում են ՀՀ դրամով, ԱՄՆ դոլարով, Եվրոյով, ՌԴ ռուբլով, շվեյցարական ֆրանկով, անգլիական ֆունտ ստերլինգով, կանադական դոլարով, ճապոնական իենայով, անկանխիկ ոսկով /999.9 հարգի/: