Ներդրումային բանկ

Մեր ծառայությունները կօգնեն իրագործել Ձեր նպատակները միաձուլումների և ձեռքբերումների ցանկացած գործարքում` ինչպես հայաստանյան, այնպես էլ արտասահմանյան, ինչպես փակ (մասնավոր), այնպես էլ բաց (ցուցակված) ընկերությունների մասնակցությամբ: Ծառայությունները ներառում են գործարքի օբյեկտի ընտրությունից, վերլուծություններից սկսած մինչև գործարքի կառավարման ծառայություններ և նպատակ ունեն նախանշված գործարքից Ձեզ համար ապահովել առավելագույն օգուտ:

ՄԵՐ ՆՊԱՏԱԿՆԵՐԸ

Հիմնականում միաձուլման և ձեռքբերման գործարքները հետապնդում են հետևյալ նպատակները`

•  եզակի ակտիվներին և տեխնոլոգիաներին արագ հասանելիության ապահովում,
•  արագ մուտք նոր շուկաներ, նոր հաճախորդների ներգրավում և ծառայությունների շրջանակի ընդլայնում,
•  մատակարարների կամ գնորդների նկատմամբ վերահսկողության ձեռքբերում,
•  շուկայի մասնաբաժնի և ընկերության կապիտալիզացիայի մեծացում,
•  գործունեության արդյունավետության բարելավում` եկամտի և ծախսերի մասով` սիներգետիկ էֆֆեկտի հաշվին,
•  բիզնեսի օպտիմիզացիա ոչ եկամտաբեր ակտիվների և գործառնությունների օտարման հաշվին,
•  ռազմավարական մարտահրավերների հաղթահարում (վերակազմակերպում, սնանկություն, կլանում և այլն):

Եթե ցանկանում եք ձեռք բերել բիզնես Հայաստանում կամ արդեն կատարել եք ներդրումներ Հայաստանում գործող ընկերությունում և արդեն պատրաստ եք վաճառել Ձեր ընկերությունը կամ դիտարկում եք մեկ այլ ընկերության հետ միաձուլվելու հնարավորությունները, մենք կարող ենք օգնել Ձեզ արդյունավետ կառավարել ձեռքբերման, վաճառքի կամ միաձուլման գործընթացները, բացահայտել և Ձեզ համար ապահովել այս գործարքներից բխող առավելագույն օգուտները:

Տեղական շուկայի վերաբերյալ մեր համապատասխան գիտելիքների, Հայաստանի և Սփյուռքի գործարար համայնքների հետ մեր սերտ կապերի և արտասահմանում վերապատրաստված մեր փորձառու մասնագետների շնորհիվ, մենք լավագույնս դիրքավորված ենք Հայաստանում գործող բիզնեսի գնման, վաճառքի, բաժանման կամ միաձուլման հետ կապված գործարքներում Ձեզ աջակցելու համար:

Իր գործունեության ընթացքում «Ամերիա» ընկերությունների խումբը, որպես միաձուլումների և ձեռքբերումների գծով խորհրդատու, մասնակցել է միաձուլումների և ձեռքբերումների տասնյակ գործարքների` ինչպես Հայաստանում, այնպես էլ Հայաստանի սահմաններից դուրս: Մասնավորապես, մենք կազմակերպել ենք բանկերի ձեռքբերման երկու գործարք «Ամերիա» ընկերությունների խմբի համար` Հայ¬ներարտբանկի ձեռքբերումը 2008թ.-ին և Կասկադ Բանկի ձեռքբերումը 2010թ.-ին:

Ներկայումս մենք կարող ենք Ձեզ ներկայացնել հանքային արդյունաբերության, առևտրային անշարժ գույքի, առևտրի, հյուրանոցային բիզնեսի, լրատվության, տրանսպորտի, հեռահաղորդակցության, գյուղատնտեսության, էներգետիկայի, բան-կային գործունեության, ապահովագրության և այլ ոլորտներում գործող ընկերությունների գնման կամ վաճառքի հնարավորությունները:

Մենք պատրաստ ենք աջակցել Ձեզ բիզնեսի ձեռքբերման, վաճառքի, միաձուլման կամ բաժանման գործընթացների ողջ ընթացքում: Մենք կարող ենք տրամադրել Ձեզ ծառայութ¬յունների համալիր փաթեթ, որոշակի ծառայությունների խումբ կամ առանձին ծառայություններ, ըստ Ձեր ցանկության և անհրաժեշտության:


ՄԵՐ ԾԱՌԱՅՈՒԹՅՈՒՆՆԵՐԸ

Մենք տրամադրում ենք հետևյալ ծառայությունները`

• պոտենցիալ ներդրողի կամ թիրախային ընկերության որոնում, փաստա-թղթերի պատրաստում (տեղեկատվական նախնական հուշագիր, տեղեկատվական հուշագիր),
• գործարքի ռազմավարության մշակում, բանակցությունների և գործընթացի կա-ռա¬վարում,
• աջակցություն ֆինանսական և իրավաբանական ստուգումների կազմակերպման, հաշվետվութ¬յունների կազմման և ներկայացման գործընթացներում,
• գործարար ծրագրի մշակում, ֆինանսական մոդելավորում և զգայունության վերլուծություն,
• բիզնեսի արժեքի և սիներգետիկ արդյունքի գնահատման հաշվետվությունների կազմում,
• աջակցություն գործարքի իրականացման գործում, ներառյալ`
  
  
  • վարկի ստացման և գործարքի` փոխառու միջոցներով ֆինանսավորման հետ կապված հարցերում,
  • գործարքի հետ կապված վճարումների, սեփականատիրական կառուցվածքի փոփոխության, ընկերությունների և իրավունքների գրանցման/վերագրանցման հետ կապված հարցերում,
  • պետական մարմինների (Տնտեսական Մրցակցութ¬յան Պաշտպանության Պետական Հանձնաժողով, Հանրային Ծառայութ¬յունները Կարգավորող Հանձնաժողով) կողմից հակա¬մե¬նաշնորհային թույլտվությունների ստացման հետ կապված հարցերում,

• իրավաբանական փաստաթղթերի պատրաստում (Մտադրությունների մասին նամակ, Գաղտնիութ¬յան համաձայնագիր, Նախնական պայմանների վերաբերյալ համաձայնագիր, Բաժնետոմսերի առուվաճառքի պայմանագիր, Բաժնետերերի միջև համաձայնագիր) և աջակցություն բանակցային գործընթացում,
• հետգործարքային ուսումնասիրություններ և վերլուծություն:

Մատուցվող ծառայությունների արժեքը պայմանագրային է: Ծառայությունների պայմանները յուրաքանչյուր հաճախորդի համար անհատապես բանակցվում և ամրագրվում են պայմանագրով` կախված պատվիրվող ծառայությունների տեսակից, դրանք իրականացնելու համար անհրաժեշտ աշխատանքի ծավալից և անհրաժեշտ այլ ծախսումների գումարից:

ՄԵՐ ՇՈՒԿԱՅԱԿԱՆ ԴԻՐՔԸ ԵՎ ՄՐՑԱԿՑԱՅԻՆ ԱՌԱՎԵԼՈՒԹՅՈՒՆՆԵՐԸ

Վերջին տարիներին Ամերիաբանկը միաձուլումների և ձեռքբերումների ծառայությունների գծով ապահովում է հաճախորդների թվի աճ, ինչով առանձնանում է մրցակիցներից: Մենք տիրապետում ենք միաձուլումների և ձեռբերումների գործարքների ամենալայն շտեմարաններից մեկին, որը ներառում է տարբեր ոլորտներում, հատկապես` առևտրային անշարժ գույքի, հյուրանոցային, տեղեկատվական, հեռահաղորդակցման և ՏՏ ոլորտներում, բիզնեսի գնման կամ վաճառքի հնարավորություններ: Ամերիաբանկը ճանաչված է գրեթե բոլոր խոշոր միաձուլումների և ձեռքբերումների գործարքներում իր մասնակցության համար:

Միաձուլումների և ձեռքբերումների մեր թիմը համալրված է բարձրագույն մասնագիտական որակավորում ունեցող մասնագետներով (տնտեսագիտական գիտությունների թեկնածուներ, գործարար կառավարման մագիստրոսներ (Master of Business Administration), Հավաստագրված ֆինանսական վերլուծաբաններ (Chartered Financial Analyst), Հավաստագրված և որակավորված հաշվապահների ասոցիացիայի անդամներ (Association of Chartered and Certified Accountants)): Նպատակ ունենալով առավել զարգացնել մեր ունակությունները և բարձրացնել հաճախորդներին մատուցվող ծառայությունների որակը` մենք պարբերաբար մասնագիտական դասընթացքներ ենք կազմակերպում մեր աշխատակիցների համար:
Մենք մշակել և ներդրել ենք համա¬պատասխան բիզնես-գործընթացներ, շահերի բախման կանխարգելման քաղաքա¬կանություն և աշխատակիցների խրախուսման համակարգեր, որոնք թույլ են տալիս իրականացնել բարձրակարգ և ցածր ռիսկայնության ձեռքբերումների և միաձուլումների գործարքներ:

Մեր մրցակցային առավելություններն են`

• տեղական շուկայի առանձնահատկությունների իմացություն,
• սերտ կապ հայաստանյան, ինչպես նաև արտերկրի գործարար աշխարհի հետ,
• հաճախորդների կարիքների խորը ընկալում,
• ճկուն և անհատականացված մոտեցում,
• աջակցություն գործարքի իրականացման հետ կապված հարցերում, այդ թվում` փոխառու ֆինանսավորման ներգրավման գործում,
• արհեստավարժ և որակավորված անձնակազմ,
• համաշխարհային լավագույն փորձին համապատասխանող ռիսկերի կառավարման ընթացակարգեր և բիզնես գործընթացներ:

ՄԵՐ ԿՈՂՄԻՑ ՀԱՋՈՂՈՒԹՅԱՄԲ ԻՐԱԿԱՆԱՑՎԱԾ ԳՈՐԾԱՐՔՆԵՐԻ ՕՐԻՆԱԿՆԵՐ

• «Ամերիա» ընկերությունների խմբի կողմից Հայաստանում լայն ճանաչում ունեցող աուդիտորական և հարկային խորհրդատվական մասնագիտացված ծառայություններ մատուցող ընկերության վաճառք աշխարհի խոշորագույն աուդիտորական ընկերություններից մեկին 2012թ.,
• «Ամերիա» ընկերությունների խմբի կողմից երկու բանկերի ձեռքբերում (Հայներարտբանկը 2008 թ. և Կասկադ Բանկը 2010 թ.),
• առաջատար հեռուստաընկերություններից մեկի բաժնետոմսերի վերահսկիչ փաթեթի ձեռքբերում մասնավոր ներդրումային հիմնադրամի կողմից. գործարքի արժեքը` ավելի քան 20 մլն ԱՄՆ դոլար,
• մասնավոր ներդրողի կողմից հյուրանոցի ձեռքբերում. գործարքի արժեքը` ավելի քան 10 մլն ԱՄՆ դոլար,
• ոսկու և բազմամետաղային արդյունահանման ոլորտում գործող ընկերության բաժնետոմսերի ավելի քան 50%-ի վաճառք ռազմավարական գործընկերոջը. գործարքի արժեքը` մոտ 50 մլն ԱՄՆ դոլար,ոչ ալկոհոլային խմիչքների արտադրության ոլորտում գործող ընկերության 50% բաժնեմասի ձեռքբերում. գործարքի արժեքը` ավելի քան 10 մլն ԱՄՆ դոլար: