Կորպորատիվ հաճախորդների համար

Առևտրաներդրումային գործառնությունների (այսուհետ` Գործառնությունների) շրջանակներում Ամերիաբանկը ընկերություններին և ներդրողներին առաջարկում է ֆինանսավորման ճկուն, անհատականացված տարբերակներ` հիմնված վերջիններիս ֆինանսական իրավիճակի, ընթացիկ խնդիրների և նպատակների վրա:

Ֆինանսավորումը իրականացվում է հատուկ իրավիճակներում, ընկերությունների կապիտալում ուղղակի ներդրումների կամ ընկերություններին/ներդրողներին փոխառու ֆինանսավորման տրամադրման տեսքով` վերջիններիս հետ հատուկ պայմանավորվածությունների համաձայն:

Սույն գործառնությունները նպատակ ունեն աջակցել ընկերություններին և ներդրողներին` իրենց կարճաժամկետ ֆինանսական խնդիրների լուծման գործում:

Գործառնությունների շրջանակներում որպես գործունեության ոլորտներ սահմանվում են տնտեսության բոլոր ոլորտները, բացի ռազմական արդյունաբերությունից, իսկ գործառնությունների աշխարհագրությունը սահմանափակվում է ՀՀ, ԱՊՀ, Արևելյալ Եվրոպայի երկրներով:

Գործառնությունների թիրախները

• Ընկերություններ կամ ներդրողներ, որոնք կարճաժամկետ կամ միջին ժամկետայնության ֆինանսավորման կարիք ունեն և գտնվում են հատուկ իրավիճակներում, ինչպիսիք են`
  
  • ընկերությունների բաժնեմասի կանխորոշված ձեռքբերումը կամ վաճառքը արտաքին ֆինանսավորման օգնությամբ (LBO, MBO, MBI և այլն),
  • ձեռնարկության վերակազմակերպումը /ֆինանսական առողջացումը,
  • ձեռնարկության կապիտալի կառուցվածքի փոփոխությունը,
  • արժեթղթերի առաջնային տեղաբաշխման նախապատրաստական փուլը:

Ֆինանսավորման պայմանները

• ներդրումների և/կամ փոխառու ֆինանսավորման ընդհանուր գումարի կողմնորոշիչ չափը` 200,000 - 1,500,000 ԱՄՆ դոլար
• մասնակցության ցանկալի չափը ձեռնարկության կապիտալում` 25%+1 ձայնից մինչև 49%
• ներդրումների (բաժնեմասի)` ընկերությանը կամ երրորդ անձանց օտարման ժամկետը` 1 - 7 տարի
• փոխառու միջոցներով ֆինանսավորման ժամկետը` 1 - 5 տարի

Ծրագրի քննարկման և ֆինանսավորման կողմնորոշիչ ժամկետները

• Նախնական շփումներ ձեռնարկության/ներդրողների հետ և փոխըմբռնման հուշագրի ստորագրում` 1 ամիս,
• Ամերիաբանկի Ներդրումային հանձնաժողովի կողմից նախնական հավանության ստացում և մինչներդրումային ուսումնասիրություններ` 1-2 ամիս,
• Ամերիաբանկի Ներդրումային հանձնաժողովի կողմից վերջնական հավանության ստացում, պայմանագրերի ստորագրում և ֆինանսավորման իրականացում` 1-2 ամիս,
• Ընդհանուր տևողություն` 3-5 ամիս:

• Այլ պայմաններ և տեղեկատվություն
• Բրոքերային (դիլերային) գործունեության իրականացման կանոններ