Կորպորատիվ հաճախորդների համար

Եթե Դուք զբաղվում եք միջազգային առևտրով և Ձեզ մտահոգում են մի շարք խնդիրներ.

• առևտրային գործարքի կողմերի միջև փոխադարձ գործարար վստահության բացակայություն,
• բազմաթիվ ռիսկերի առկայություն թե' ներմուծողի /գնորդի/ և թե' արտահանողի /վաճառողի/ համար,
• գործարքի իրականացման համար անհրաժեշտ ֆինանսական միջոցների բացակայություն,

 ապա մենք կարող ենք օգնել Ձեզ` առաջարկելով Ամերիաբանկի ակրեդիտիվի ծառայությունը:

Մեր կողմից առաջարկվող այս ծառայությունը Ձեզ կօգնի հաղթահարել միջազգային առևտրում առկա խոչընդոտները, ընդլայնել Ձեր գործունեության շրջանակը, ձևավորել նոր, կայուն առևտրային հարաբերություններ և ապահովել Ձեր շահերի պաշտպանությունը միջազգային առևտրային գործարքներում:

Ի՞նչ է ակրեդիտիվը

Ակրեդիտիվը բանկի կողմից թողարկված գրավոր պարտավորություն է, որ թողարկվում է վաճառողի օգտին` գնորդի հանձնարարությամբ, սահմանված արժեքով, սահմանված ժամկետներում վճարում իրականացնելու համար, ակրեդիտիվի պայմաններով սահմանված փաստաթղթեր ներկայացնելու դեպքում:

Ձեր պահանջով Բանկը կթողարկի նաև Հաստատված ակրեդիտիվ, որի դեպքում, բացի թողարկող բանկից, վճարման պարտավորություն է ստանձնում նաև մեկ այլ բանկ:

Առաջարկվող ակրեդիտիվի տեսակները.

• REVOLVING L/C` Վերականգնվող ակրեդիտիվ, որի գումարը վերականգնվում է առանց ակրեդիտիվի պայմաններում էական փոփոխությունների անհրաժեշտության
• TRANSFERABLE L/C` Փոխանցելի ակրեդիտիվ, որը իրավունք է տալիս շահառուին պահանջել բանկից փոխանցել ակրեդիտիվը ամբողջությամբ կամ մասամբ` մեկ կամ ավել երկրորդային շահառուներին:
• BACK - TO - BACK L/C` Հանդիպակաց ակրեդիտիվ, որը թողարկվում է թողարկված այլ ակրեդիտիվին հակընդդեմ:
• STANDBY L/C` Պահուստային ակրեդիտիվ, այսինքն` ակրեդիտիվի ձևով թողարկված բանկային երաշխիք, որի նպատակը պարտավորությունները չկատարելու հնարավոր ռիսկը ծածկելն է:
• RED/GREEN CLAUSE L/C`  ակրեդիտիվ, որը ներառում է հատուկ դրույթ, որով հանձնարարում է կատարող բանկին վճարել կանխավճար բենեֆիցիարին` մինչ առաքումը:

Ակրեդիտիվը տրամադրվում է.

• Հաճախորդի կողմից դեպոնացվող դրամական միջոցների հիման վրա, 
• Բանկի կողմից Հաճախորդի ակրեդիտիվային գործարք իրականացնելու նպատակով սահմանված վարկային սահմանաչափի/գծի ներքո: Առավել մանրամասն տեղեկությունների համար այյցելե՛ք վարկային գծի վերաբերյալ էջը:

• Առաջարկվող ակրեդիտիվի առավելությունները
• Ակրեդիտիվի պայմանները
• Անհրաժեշտ փաստաթղթերի ցանկ