Ներդրումային բանկ

Եթե դուք ունեք վարկունակ բիզնես նախագծեր Հայաստանում և Ձեզ հարկավոր է մեծածավալ ֆինանսավորում Ձեր բիզնեսի աճը և զարգացումն ապահովելու համար, մեր Կորպորատիվ ֆինանսների թիմը կարող է օգնել Ձեզ:

Մենք առաջարկում ենք փայատիրական և պարտքային ֆինանսավորման ներգրավման ծառայությունների ամբողջական փաթեթ, ներառյալ`

• Հնարավոր վարկատուների/ներդրողների փնտրում (Հայաստանում ներդրումներ կատարելու ցանկացող միջազգային ներդրող/վարկատուների ընդարձակ տվյալների շտեմարանի առկայության շնորհիվ):
• Ծրագրի վերլուծություն և անհրաժեշտ շնորհանդեսային փաստաթղթերի պատրաստում:
• Բիզնեսի գնահատման աշխատանքներ:
• Ֆինանսական և իրավաբանական ստուգումների աջակցություն, գործարքի իրականացման համար անհրաժեշտ իրավաբանական ծառայություներ:
• Գործարքի կառուցվածքի մշակում և օժանդակություն պայմանագրային փատաթղթերի (գործարքի հիմնական պայմանների համաձայնագիր, վարկային պայմանագիր, առուվաճառքի պայմանագիր և այլն) ձևակերպման գործընթացում:
• Ընկերության շահերի ներկայացում և պաշտպանում և բանակցությունների վարում հնարավոր ներդրողների/վարկատուների հետ:
• Գործարքի իրականացման համար անհրաժեշտ նախապայմանների ձևակերպման և կատարման աշխատանքներ:

Մատուցվող ծառայությունների արժեքը պայմանագրային է: Ծառայությունների պայմանները յուրաքանչյուր հաճախորդի համար անհատապես բանակցվում և ամրագրվում են պայմանագրով` կախված պատվիրվող ծառայությունների տեսակից, դրանք իրականացնելու համար անհրաժեշտ աշխատանքի ծավալից և անհրաժեշտ այլ ծախսումների գումարից:

Վերջին երեք տարիների ընթացքում մենք օգնել ենք մեր հաճախորդներին ներգրավելու շուրջ 200 միլիոն դոլար: Տարբեր ճյուղերում (առևտրային անշարք գույք, ֆինանսական հաստատություններ, մանրածախ առևտուր, լոգիստիկա, էներգետիկա և այլ) գործող ընկերությունները, հանդիսանալով մեր հաճախորդներ, վստահում և օգտվում են մեր բազմամյա փորձի և գիտելիքների վրա հիմնված խորհրդատվական ներդրումային ծառայություններից: Մենք կաջակցենք ձեր Ընկերությանը հետագա զարգացման համար անհրաժեշտ միջոցների ներգրավման աշխատանքներում: